السلام عليكم ورحمة الله وبركاته
اخواني شباب الكويت
وعدناكم ان حملة بنغيّر ماراح توقف
والاصرار على التغيّر ماراح يروح
والامل فينا يا شباب الكويت ، باذن واحد احد، ما راح يموت
بنغيّر ما كان شعار يطلق والسلام
بنغيّر هو صوت الشعب الكويتي
بنغيّر هو امل شباب الكويت بديرتهم
بنغيّر هو فعل وموقف شباب الكويت
بنغيّر هو تعزيز الروح الوطنيه
بنغيّر هو احترام الدستور وقوانينه
بنغيّر هو تطبيق دستور عبدالله السالم
بنغيّر .. ولد من الايه رقم ١١ من سورة الرعد في القرآن الكريم
إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ
لذالك نتمنى منكم يا شباب الكويت انكم تشاركونا هذا الاصرار بافكاركم ودعمكم والتواصل معانا من خلال ايميل الحمله
binghayir@live.com
(msn included)
اي واحد فيكم وده يشاركنا فما عليه سوا ارسال رساله على ايميل الحمله
علشان نطلع ابـ بنغيّر بشكل رسمي وبصورة يديدة
بعيدة كامل البعد عن الحملات التقليدية
بنغيّر بتكون حملة بأفكار شابة طموحة .. بنغيّر بتكون حملة
أفعال قبل لا تكون حملة أقوال
وبالنهايه بنغيّر ماهي محسوبه على احد من الشعب ولاهي لنا احنا بروحنا
بنغيّر لكل كويتي يحب ديرته
بنغيّر للسني فينا والشيعي
للاسلامي واللبرالي
للبدوي والحضري
بنغيّر لكم ولعيالكم
بنغيّر .. علشان الكويت
